Samsung 30 машин зоос Apple-д өгөхүү?

Үргэлжийн гэж хэлж болохуйц зохиогчийн эрхийн маргаантай болсон Samsung, Apple хоёрын тэмцэл мөн л үргэлжилсээр байна. Саяхан Apple-ын гаргасан заргад Samsung ялагдаж Apple компанид 1 тэрбум ам.долларын нөхөн олговор өгүүлэхээр болсон шийдвэр шүүхээс гарсан.

Энэ шийдвэрийг Samsung давж заалдана гэсэн мэдээлэл гараад байгаа ч гэсэн интернетээр Samsung өөрийн уур бухимдалаа тайлахын тулд Apple-д 1 тэрбум ам.доллартай тэнцэх 30 машин 5 центийн зоосыг өгөхөөр болсон гэсэн мэдээлэл гараад байна.

Энэ мэдээлэл хэдийгээр хөгжилтэй боловч үнэхээр ингэж төлж чадвал Samsung-аас Apple-д барьж байгаа сайхан бэлэг байж болох юм. Тэдний хувьд 1 тэрбум ам.доллар нээх ч их мөнгө биш шүү дээ.

Samsung Galaxy S3 ухаалаг утас Update гаргав

Samsung шинээр гаргасан Galaxy S3 ухаалаг утасныхаа хайлтын функц дэх алдаагаа зассан байна. Энэ шинэчлэлт (update) нь вэбийн хайлт хэсэг, холбоо барих жагсаалт болон бусад аппликешинууд дээр өөрчлөлт оруулсан байна.

Энэ шинэчлэлтээ хэдэн өдрийн дараанаас гаргахаар болоод байгаа аж. Шинэхэн гаргасан бүтээгдэхүүнд тун удахгүй update орж байгаа нь борлуулалтын хувьд нөлөө үзүүлж болзошгүй юм. Гэвч Samsung корпорацийн ашиг орлого шинэ ухаалаг утас борлууласнаар өнгөрсөн улирлаас даруй 79%-ын өсөлттэй гарсан байна. Тэгэхлээр тэд ашиг орлогыг нь бүрдүүлж буй бүтээгдэхүүндээ анхаарлаа түлхүү хандуулах нь дамжиггүй бизээ.

Samsung энэ жил Galaxy цувралыг гаргаснаас гар утасны тэргүүлэгч үйлдвэрлэгч Nokia-ийн дээр гарч чадсан юм.

Дээрх шинэчлэлт GT-i9300 (S3) утсанд хийгдсэн байгаа бөгөөд үүнээс өөр загварын утастай хэрэглэгчид өөрсдөө шинэчлэлээ татаж авах юм байна.

iPhone 5 гарах тов зарлагдлаа

Өнгөрсөн онд iPhone 5 гарна гэсэн дам яриа хүчтэй өрнөж байсан. Харамсалтай нь тухайн үед Stive Jobs маань хорвоогийн мөнх бусыг үзүүлж хүмүүсийн хүсэн хүлээж байсан зүйл талаар боллоо гэсэн бодлыг бий болгосон. Хэдийгээр Apple-ын амин сүнс үгүй болсон ч компани хүмүүсийн энэ их хүлээлтийг ашиглан iphone-ны шинэ хувилбараа гаргахаар болсон ч хүмүүсийн төсөөлсөн шиг бүтээгдэхүүн гаргаж чадаагүй юм. iPhone 4 S :P

Саяхан энэ жилийн 10 сард iphone 5 хувилбараа гаргахаар зарлаад байна. Үүний хажуугаар хялбаршуулсан iPhone4 гэсэн хувилбар ч мөн гарах юм. Энэ хувилбар нь iPhone 4 дээр гаргасан нүүрний сайжруулсан шилийг хямд пластикаар орлуулж зарим эд анги, програм хангамжийг хэмнэж үнэ хямд байлгах зорилгоор хийгдэж байгаа гэж тайлбарлаж болно.

Зарим нэг эх сурвалжийн мэдээллэж байгаагаар дараагийн iphone -д шинэ төрлийн мэдрэгч дэлгэц бүхий технологи нэвтрүүлнэ гэж мэдэгдээд байна. Энэ технологи дээр японы хоёр ч компани хамтран ажиллаж байгаа сурагтай. Мөн хурдны хувьд 4G стандарттай, өндөр хурддтай байх аж.

Харин үнийн хувьд хямд байж чадахгүй болов уу. Учир нь Apple-ын ихэнх бүтээгдэхүүнийг өмнөд хөршид маань хямд ажиллах хүчээр бүтээдэг бөгөөд саяхан энэ талаар олон улсын байгууллагууд болон хятадын иргэд хүчтэй эсэргүүцэл илэрхийлэх болсон. Ядаад л ажилчидынхаа энэ эсэргүүцлийг дарахын тулд цалинг нь нэмэгдэл өртөг бүтээгдэхүүнд шингэх нь лавтай.

Ямартай ч iPhone 5 хурдан гараасай гэсэн хүмүүс цөөнгүй байна. iPhone 4 сайхан хямдрана :)

Instagram-ыг Facebook 1 тэрбум ам.доллараар өөрийн болголоо

Гар утсаар авсан зургаа өөрт таалагдсан өнгөний хувиралд оруулаад олон нийтийн сүлжээгээр хялбархан тархаах боломжийг олгодог Instagram гэх гар утсаны аппликешин 2010 онд анхны хувилбараа iphone, ipod-д зориулан гаргаж байсан байна. Ухаалаг гар утасны үйлдлийн систем android-руу шуурч эхлэх үед ч эрчимтэй хөгжүүлэлтийг хийж байсан тэд саяхан л дөнгөж android-д зориулсан instagram-ын хувилбараа гаргаж байна.

Instagram бүтээгдээд жилийн дотор 10 сая хэрэглэгчтэй болж хэрэглэгчдийн тоо эрчимтэй өсөж ирсэн бөгөөд өнөөдрийн байдлаар 30 сая илүү хэрэглэгчтэй гэсэн тоо гарсан байна. Харин Instagram-ийг хөгжүүлэгч компань жилийн өмнө 100$ сая ам.доллараар, энэ оны эхээр 300$ сая ам.доллараар, 4 сарын эхээр 500$ сая ам.доллараар үнэлэгдэж байсан бол 4-р сарын 9 өдөр олон нийтийн цахим сүлжээний магнат facebook-д 1$ тэрбум ам.доллараар үнэлэгдсэн байна.

Сонирхолтой нь Instagram-ын хэрэглэгчид үүнд маш дурамжхан хандаж байгаа гэнэ. 

"Миний гоё instagram-ыг facebook аваад хачин юм болгоно" гэх мэтээр эсэргүүцэж байгаа юм байна. Харин Facebook-ын зүгээс Instagram-ийн одоо байгаа боломжуудыг хэвээр үлдээж, илүү сайжруулан амжилтанд хүргэнэ гэж амлаад байгаа юм.

Утасны дугаарлалт ямар ашигтай вэ?

Mobicom компани 9411 дугаарлалт гаргажээ. 9911 үнэ цэнтэй дугаарын үргэлжлэл гэнэ. Өмнө нь 9910 дугаарлалт бас ийм хэлбэрээр гаргаж байсан. 9999 дугаарлалтыг ч мөн адил. Одоо 9910, 9999 дугаарлалтаас хангалттай хэмжээний дугаар сул байгаа санагдах юм. Дээрх үйл бизнэс аргаас үүдэлтэй бяцхан эргэцүүлэл орж ирсэнгээ хуваалцаж байна.

Үүрэн холбооны үйлчилгээ үзүүлэгч байгууллагууд Монголд хангалттай хэмжээнд байгаа гэж ойлгож байна. Гэхдээ шинээр нэмэгдэхийг үгүйсгэж болохгүй юм. Шинээр нэмэгдлээ гэхэд аль ч үүрэн холбооны үйлчилгээг хэрэглэгчдийн хувьд бол ашигтай тал болох юм. 

Монголын үүрэн холбоо хэрэглэгчдийн тоо өсөж бий. 2009 оны байдлаар ~1.9  сая, 2010 оны байдлаар ~2.3 сая, 2011 оны байдлаар ~2.5 сая гэсэн судалгаа гарсан байдаг. Цаашлаад 3 саяд хүрэх байх. Мэдээж энд давхар утас хэрэглэгчдийн тоо өсөхөд түлхүү нөлөө үзүүлсэн байж болох юм.

Гэхдээ бидэнд нэг дутагдал байна. Энэ нь үүрэн холбооны утасны дугаарлалт. Дугаарлалт нь мөнгө олох хэрэгсэл болчоод байгааг хязгаарлах хэрэгтэй юм. Үүнийг хүн бүр мэдэж байгаа хэрнээ ач холбогдол өгдөггүй.

Хэн нэгэн этгээд 500 мянган төгрөгөөр дугаар худалдаж авсан нь тухайн хүнийг хүнээ илүү хүн болгочихгүй. Гэхдээ яг энэ үйлдэл эдийн засгийн үүднээс монголчуудад хохиролтой. Ямар ч татваргүй хар захын бизнес болж байгаа юм. Дээр нь өнөөдөр дийлэнх монголчууд маань тийм ч хангалттай сайхан амьдрахгүй байгаа. Иймээс ийм илүү зүйлд бид мөнгө зарах ёсгүй юм. Харин гэртээ хоол хүнс, хувьдаа хувцас хунар авч болох байлаа. Гэвч тэгсэнгүй.

Ийм сэтгэлгээг бид өөрсдөө бий болгочихсон. Харин үүнийг эх орны хөгжилд санаа зовох ёстой хүмүүс бага ч гэлтгүй анхаарах ёстой баймаар. Одоо байгаа үүрэн холбооны дугаарлалтыг нэг оронгоор өсгөхөд л монголчуудад хангалттай хүрэлцэхүйц дугаарлалт бий болох боломжтой юм шүү дээ. Бүр стандартад нийцүүлээд илүү оронтой болгосон ч болж байна.

Android дээр Ma Ringo утасны чинь хонхыг удирдана

Хэрэв та Android үйлдлийн систем бүхий гар утастай бол утасныхаа хонхыг та  Ma Ringo гэх програмын тусламжтай өөрийн хүссэнээрээ солих боломжтой юм. Та тогтмол уулзалт хуралтай байдаг бол тэр үедээ утсаа унтрааж, дууг нь хааж нээдэг бол энэ үйлдлээMa Ringo-д ганц удаа тохируулж өгснөөр дахин хийх шаардлагагүй болно. Орой унтах үедээ утасныхаа хонхыг багасган тохируулснаар урилгагүй call-оос амтат нойроо бүтэн авч үлдэх болно.

Ringo нь утасны үндсэн хонх болон аудио файлуудаас тохируулах боломжтой ба долоо хоногийн хүссэн өдрүүдээр, цагийн интервалаар сонгох болон хонхны дуугаралтыг ихэсгэж багасгах гэсэн үндсэн тохируулгатай.

Theme - Хэд хэдэн Рингог өөрийн хүссэн сэдвээр бүлэглэн нэгтгэх боломжтой. Хэрэв аль нэгэн сэдвийг идэвхитэй болговол зөвхөн тэр сэдэвт багтсан Рингонууд ээлжлэн солигдоно. Харин ямар нэгэн сэдэв сонгогдоогүй бол бүх Ринго ээлжлэх болно.

Default Ringo - Тухайн цагт тохируулсан Ринго байхгүй бол энэхүү сонголт бүхий Ринго нь таны утасны хонхонд дуугарна. Апликэйшн анх суухад тухайн агшинд таны утсан дээр явж байсан утасны хонх Default Ringo болон сонгогдсон байна.

Quick time - Та давтамж ихтэй оруулдаг цагийн интервалаа энд хадгалж өгснөөр Ринго-н эхлэх дуусах цагийг түргэн хугацаанд, төвөг багатай тохируулах болно.

Хэрэв танд энэ бүхэн таалагдаж байвал  Ma Ringo- г https://market.android.com/details?id=mn.ma.android.ringo эндээс ҮНЭГҮЙ татаж авч болох юм.

Motorola гар утасны компаныг Google худалдан авлаа

Гар утасны зах зээлрүү өөрийн Google Mobile гар утсаа гаргаж орж ирсэн Google компани энэ чиглэлрүүгээ илүү том алхам хийхээр болсон байна. Үүний ч илрэл болж саяхан гар утасны томоохон ууган үйлдвэрлэгчдийн нэг Motorola компаныг $12.5 тэрбум ам.доллараар өөрийн болголоо.

Энэ талаараа google компаны CEO Larry Page хэлэхдээ 

- Бид Motorola-г авсанаар Google-ын нүүр царай болсон Android бүхий бүтээгдэхүүнүүд маань улам хүчирхэгжиж Microsoft, Apple болон бусад компаниудаас илүү өрсөлдөх чадвар бий болох юм гэжээ.

Google болон Motorola нь өмнө нь 2008 оноос эхлэн Android дээр хамтран ажиллаж байсан туршлагатай тул богино хугацаан бүхнийг нэг цул болгох болов уу гэж таамаглаж байна.

Apple -ын бухимдал HTC

Apple-ынхан ipod-оос эхтэй iphone, ipad гэх мэтчилэн multimedia өндөртэй бүтээгдэхүүнийхээ эх санааг ширхэг бүрчлэн патиантчуулж авсан нь дамжиггүй. Өнөөгийн утасны технологи multimedia хэрэглээний өндөр түвшин (smartphone) -рүү тэмүүлж байгаа энэ үед touch, multi-touch эх санаа хүчтэй дэмжигдэж байгаа юм.

Apple-ын 2007 онд анхныхаа iPhone хувилбарыг гаргаж байсан бол эдүгээ аль хэдийнэ iPhone 4 гэсэн хувилбараа хэрэглэгчдэд хүргээд байгаа юм. Аpple-ын гол асуудал iPhone-ы бий болгосон энэ зах зээлрүү бусад томоохон утас бүтээгдчдийг аль болох оруулахгүй байхыг эрмэлзэж буй байдал юм. Хэдийгээр тэд анхдагч манлайлагч байж чадсан ч зах зээлийнхээ жамаар даган хөгжиж буй бусад талуудыг анхдагч патиантын эрхээрээ шахалт үзүүлсээр байна.

Өнгөрсөн удаад Тайваны гар утас үйлвэрлэгч HTC -г тэд мөн л өөрсдийн патиантын технологийг HTC утсандаа ашигласан гэж заргалдаад байна. Apple-ын энэ заргын цаад санаа нь АНУ-ын гар утасны зах зээлд HTC-г худалдаалагдахыг хориглуулах болоод байгаа юм. HTC-ын Apple-аас даван гарах магадлал нь тэд өөрийн гар утсандаа нээлттэй эх болох Android үйлдлийн системийг ашиглаж байгаа нь хэрэглэгчдэд илүү таалагдаж байгаа нь илэрхий юм.

Хэрэв Apple-ын зүгээс хараад Эйнштэний хэлсэн "Бүтээлч сэтгэлгээний нууц нь гэвэл өөрийн олсон мэдээллийн уурхайг хэрхэн бусдаас нууж сурахад оршино." гэсэн үгийг санавал Apple-ын зөв ч юм шиг.

Touchscreen дээр даралт хийх Хамар

Dominic Wilcox гэх залуу өөрийн touchphone-оо усанд орж байхдаа ашиглах дуртай. Гэвч утастайгаа ажиллахын тулд нойтон гараараа түүнд хүрэх болдог нь утсаа норгох аюултай байдаг байжээ. Эсвэл хоёр гараа байнга хуурай байлгаж утастайгаа ажиллах хэрэгтэй гэсэн үг. Тэгэхлээр ямар усанд орсон болох билээ дээ.

Тиймээс тэрээр нэгэн шинэлэг санаа бодож болсон нь Touchsreen-тэй ажиллах хамар буюу Finger-Nose юм.



Хачин юм бодож олж байгаа юм шүү энэ хүмсүүд.

Операторуудын хооронд дугаараа шилжүүлж болох уу

Монголд үүрэн телефон холбоо нэвтрээд эдүгээ 15 дахь жилийнхээ нүүрийг үзэж байна. Сайнтай муутай гээд олон жилийг ардаа орхисон хэдий ч жинхэнэ хэрэглэгчийн хүссэн үйлчилгээнүүд хомс байсаар байгаа нь нууц биш.

Гэхдээ нэг үеийг бодвол дээрдсэн нь сайшаалтай.

Саяхан Мэдээлэл, шуудан, харилцаа холбоо, технологийн газрын дарга Ж.Сансар солонгосын Цахилгаан Холбооны Операторуудын Холбооны орлогч Seol Jeong Seon –тай үүрэн холбооны дугаар шилжүүлэх үйлчилгээг (Mobile Number Portability) хөгжүүлэх чиглэлээр хамтран ажиллах яриа өрнүүлсэн юм байна.

Энэ үйлчилгээ нь хэрэглэгч аль нэг операторын хэрэглэгч байхдаа барьж байсан дугаартайгаа өөр операторын хэрэглэгч болох боломжтой юм. Хэдийгээр сонсоход бэрх байгаа ч гадны ихэнх оронд энэ үйчилгээ нэвтэрсэн байдаг юм байна.

Харин монголын хувьд шууд боломжгүй байж магадгүй зүйл сонсогдов.

Skytel-ынхан iPhone барина

Apple-аас гаргасан iPhone нь зөвхөн GSM системд ашиглах боломжтой байсан нь CDMA системийн хэрэглэгчдийн хувьд шинэ, гоё зүйлээс хэрэглэж чадахгүй байх харамсалтай сэтгэгдэл төрүүлсэн болов уу.

Манай монголчуудын хувьд Skytel-ын хэрэглэгчид маань үүнд орж байгаа юм. CDMA систем нь азийн орнуудад өргөн тархсан систем. Нэг үгээр дэлхийн хэмжээнд гар утас хэрэглэгчдийн тал хувь нь гэж томруулж хэлж болох юм. Тэгэхлээр Apple компаниас үүнд дүгнэлт хийсний эцэст 2011 оны эхээр CDMA системд зориулан iPhone үйлдвэрлэх төлөвлөгөөтэй гаргахаар болж байгаа гэнэ.

Үүнд тэдний iPhone хэрэглэгчдийн дунд хийсэн судалгаагаар системээ CDMA болгох сонирхолтой хэрэглэгчид 50 хувь хавьцаа байсан нь түлхэц өгсөн байна.
Тэгэхлээр тун удахгүй Skytel-ын хэрэглэгчид маань iPhone барих нь ээ.

Гар утсаа яриагаараа цэнэглэнэ

Хүн төрөлхтөн эрчим хүчний цоо шинэ эрэл хайгуул эхлүүлээд удаж байна. Гэвч бид нүүрс, нефт хоёртойгоо зууралдсаар байгаа нь нууц биш. Харин нар, салхины эрчим хүч ашиглах тал дээр дөнгөж хушуугаа дүрээл түүнээ хацар дээрээ наачаад байж байгаа улс.

Тэгвэл нэгэн сонирхолтой санааг солонгосын судлаачид олсон байна. Энэ нь дууны эрчим хүч. Аливаа дуу авиа дууны хэлбэлзэл гэж илэрхийлэгдэх хэмжигдэхүүнээр тодорхойлогдож болдог. Үүнийг ашиглан эрчим хүч гаргаж авах боломжтой гэнэ. Нэг үгээр тодорхой давтамжтай дуу авианы долгионыг ашиглаж болно гэсэн үг.

Ингэж дууны долгионыг эрчим хүчрүү хөрвүүлсэнийгээ тэд гар утсанд туршин үзэж байгаа ажээ. Гар утсаар ярьж байхад тодорхой хэмжээний утасны цэнэг алдагддаг бол энэ удаад эсэргээрээ цэнэглэгдэж байх гэнэ.

Gmail-ээс Америк, Канадруу үнэгүй дуудлага хийнэ

Gmail өөртөө voice болон video дуудлага хийх боломжтой болгоод байсан билээ. Гэхдээ энэ нь зөвхөн gmail account хоорондоо байсан. Хэдийгээр google-ынхэн gmail дээрээ суурьлан gtalk гаргасан ч үүнд энэ бололцоо байдаггүй.
Харин шалтгаан нь саяхан тодорхой боллоо. Gmail -ээсээ та Call Phone хийх боломжтой болсон байна. Мэдээж төлбөртэй.

Гэхдээ одоогийн байдлаар Америк, Канадруу үнэгүй дуудлага хийх боломжтой. Монголчуудын хувьд Америк, Канадруу үнэгүй ярина гэдэг бол сайхан боломж шүү. Бусад улс оронруу гарах ярианы төлбөрийг хамгийн бага байлгахаар хичээж байгаа талаар тэд мэдээлж байна. Жишээ нь U.K., France, Germany, China, Japan зэрэг улсуудруу залгахад минутанд $0.02 доллар төлөх нь байна. (Жагсаалтыг эндээс харж болно.) Яг одоогийн байдлаар таны дансанд туршилт хийлгэхээр 0.10$ байгаа.

Call Phone үйлчилгээг сонирхохыг хүсвэл gmail-руугаа ороод хажуугийн чат хэсэгт Call Phone гэсэн сонголт байгаа.

Энэ үйлчилгээ гарсаны дараагаар дөнгөж 24 цагийн дотор 1 сая илүү дуудлага хийсэн мэдээ гарчээ. Тэгэхлээр google-ынхэн энэхүү үйлчилгээгээрээ Skype-г эвгүй байдалд оруулж магадгүй нь.

Gmail call-ыг сурталчилсан өөрсдийнх нь хөөрхөн рекламыг хавсаргая.

Apple-ын iPhone үйлдвэрлэлийн лабратори

Apple-ын бүтээгдэхүүнүүд нэлээд туршигдаж, судлагдаж хийгддэг нь дамжиггүй. Apple ч гэлтгүй бүх л шинэ бүтээгдэхүүнүүд энэ үе шатыг дамжиж байгаа. Гэхдээ хүмүүст apple-ын iPhone илүү сонин. Шинээр гаргасан iPhone4-ын хувьд антены асуудал нэлээд шүүмжлэлтэй байгаа хэдий ч тэд энэхүү антенийг бүтээхийн тулд ямар их хөдөлмөр, ямар их шинжилгээ, судалгаа шаардагдсанг хүмүүст ойлгуулахаар шийдсэн болтой.

Албан ёсоор iPhone үйлдвэрлэлийнхээ загварын судалгааны лабраторийн үйл ажиллагааг харуулсан бичлэг online түгээсэн байна.
Уг бичлэгт гарч байгаа лабратори нь зөвхөн iphone-ын антений хэсгийг турших зорилгоор баригдсан бөгөөд үүнд apple-ынхан 100$ сая ам.доллар зарцуулж байгуулсан байна.

Wow гайхалтай iPhone 4

Энэ удаад дуугүй явж тэсэхгүй нь. iPhone 4 гарлаа гээд хэлтэй амтай, блогтой, сайттай гээд бүх хүн л хэлж, яриж, бичиж байна. Apple-ын iPhone утасны зах зээлийг өөрчилж бусад төрлийн утас үйлварлэгчдийг жинхэнэ амаар нь шороо үмэхүүлсэн үйл явдал болсон нь саяхан мэт санагдаж байна. Тэгвэл бусад утас үйлдвэрлэгчид яаж iPhone-оос илүү гарах вэ гэж толгойгоо гашилгаж байх хооронд Apple-ынхан iPhone-оо арай илүү түвшинд авааччихлаа. Нэг үгээр ахиад нэг том харайчихлаа гэсэн үг.
6-р сарын 15-аас захиалгаа авч 24-ноос худалдаалж эхэлсэн iPhone-ыг худалдан авсан хэрэглэгчид бахархалтайгаар түүнийг магтаж байна.

Програм

• Өмнөх хувилбараасаа өмнөө 5 megapixel бүхий камертай болж видео дуудлага хийх боломжийг хэрэглэгчиддээ олгоод зогсохгүй HD видео бичлэг (720p) хийж түүнийгээ засварлах чадвартай болжээ. Видео дуудлагаа FaceTime call гэж нэрлээд байгаа.
• MultiTasking хийх боломжтой болсон байна. Энэ зэрэг зэрэг олон application ажиллуулж болно гэсэн үг.
• Дэлгэцийн нягтрал илүү сайжирч 960 x 640 болсон байна.
• Мэдээж Multi-Touch.
• MultiTasking, видео дуудлага хийх, видео засварлах, батерианы хэрэглээний хугацааг сунгах (оройлцоогоор 2 цаг нэмэгдсэн)-ын тулд инженерүүд нь ахисан түвшины A4 Processor бүтээж шинээр суурьлуулж өгсөн байна.
• Үйлдлийн систем нь өмнөх хувилбараас 100 илүү update орсон. Ингээд iOS4 гэж нэрлэсэн байна.
  

Загвар (надад загвар нь илүү таалагдаж байна.)

• Хэлбэр хийц маягийн хувьд цоо шинэ загвартай болж ирсэн бөгөөд iPhone 4 нь мөнгөлөг материалаар хүрээлсэн хоёр пластик хавтан бүхий эх бүтэцтэй загварчлагдсан байна. Энэхүү пластик шилийг нисдэгтэрэг болон хурдны галттэрэгний цонх хийхэд ашигладаг юм байна.
  
• Хүрээг хийсэн мөнгөлөг материал нь энгийн зэвэрдэггүй ган (stainless steel)-с 4 дахин бат бөх материалаар хийсэн нь улам гоёмсог болгож өгсөн байна. Энэхүү хүрээний бас нэг нууц үүрэг нь утасны антен болох юм. Тэгэхлээр iPhone маань радиотой болсон гэсэн үг шүү дээ.
• Өмнө өмнөө камертай болсон гэж хэлсэн. Үүнтэй хамт LED флаш нэмэгдсэн. Энэ нь гэрэл багатай орчинд камерыг ашиглахад орчиныг гэрэлтүүлэх зориулалтай.
  
• микрофон нь дээр болон доороо 2 ширхэг болсон байна. Доод талынх нь энгийн дуудлага хийхэд ашиглагдах бол дээд талынх нь видео дуудлага хийхэд ашиглагдах юм.
  

Сонирхуулахад өчигдөрхөн Монголд iPhone 4 1200$-р зарна гэж YM-ээр зар явж байсан.

Apple-ын шинэ загварын iPhone алдагджээ

Apple-ын гол бүтээгдэхүүний нэг болж чадсан iPhone олон хэрэглэгчдийн дуртай хэрэглээнийх нь нэг болчихсон байна. Нэг үгээр iPhone сайн бүтээгдэхүүн болж чадсан. Тэгэхлээр үүний дараагийн хувилбарыг Apple-ынхан хөгжүүлж байгаа бөгөөд шинэ загвар гэдэг хэрэглэгчдэд ямагт шинэ содон байх учир нийтэд зарлагдахаасаа өмнө ямагт нууц байдаг зүйл.
Харин Apple-ын iPhone-ны шинэ загварыг Gray Powell гэх инженер залуу нь алдсан гэсэн мэдээлэл байна. Тэрээр California хотын Redwood гэх шар айрагны газар шинэ загварын iPhone-тойгоо явж байгаад гээсэн юм байна.
Хөөрхий ажилаасаа халагдсах байхдаа.

Google Nexus One

2010 онд Google-ын ярих томоохон сэдэв нь Google Nexus One нэртэй утас болж байх шиг байна. Энэхүү утас нь iPhone загварлаг утаснуудаас хамаагүй хурдан дээр нь Google-ын гаргасан үнэгүй систем болох Android-ыг дэмждэгээрээ онцлог ажээ.
Google Nexus One гар утасыг тестлэх үүднээс Google-ын ажилчид хэдэн долоо хоногийн өмнөөс хоорондоо хэрэглэж үзэцгээж байгаа юм байна.
Ингээд Google-ынхэн гар утасны зах зээлд томоохон өрсөлдөгч болон орж байна. Apple-ынхан iPhone-ын систем, програм хангамжаа open талдаа болгож өгөхгүй бол ч хүнд цаг үе хүлээж байх шиг байна даа.

Mobile evolution

Нэгэнт утасны талаар ярьсаных утасны хөгжил цэцэглэлийг нэг хараад авъя. Хамгийн анхны утас Motorola байсан хэдий ч бизнесийн өрсөлдөөний явцад Nokia тэргүүлэлийг гартаа барьж ирсэн.
Харин энэ жилээс энэ үзүүлэлт өөр тийшээ хэлбийж байх шиг байна. Nokia өөрийн утасны зах зээл дээрх дангаарх ноёрхлоо Apple-ын iPhone алдаж эхлээд байгаа хүнд үе Nokia-д тулгарч байгаа шүү дээ.



Ингээд утасны хөгжлийг маш товчоор зургаар илэрхийлвэл:

SMS бичих зөвлөмж

Өнөөдөр Монголчуудын 3/4 нь шахуу утастай байдаг болсон байна. Утасыг дагаад мэдээж эрүүл мэндэд сөрөг нөлөөтэй гэх мэтчилэн үгс зөндөөн гардаг. Ямартай ч SMS бичихэд хүртэл хүнд муу үр нөлөөтэй байдаг гэнэ. Гар утас хэрэглэдэг нэг хүн өдөрт дундажаар 10 sms дор хаяж илгээдэг гэсэн байна.

SMS бичихэд хүний хурууны үенууд эрчимтэй ажилладаг бөгөөд энэ нь өвдөх магадлалыг (хөөрхий эрхий хуруу) бий болгож байгаа талаар шведын Gothenburg сургуулийн судлаачид дурдсан байна.
Тэд хүмүүсийн дунд SMS бичих байдалд нь ажиглалд хийхэд тэдний талд нь шахуу гар, бугуй, хүзүү зэрэгт нь асуудал гарч байгааг ажигласан байна. Ингээд SMS бичих зөвлөмж гаргажээ.

1. SMS бичихдээ бөхийхгүй аль болох цэх суух
2. Нэг биш хоёр эрхий хуруугаа ажиллуулах
3. Уртхан юм бичиж байгаа бол бага зэргийн амралттайгаар бичих
4. SMS бичиж байхдаа өөрийн байрлалыг өөрчлөж байх.

гэсэн байна.

Nokia Apple-ыг шүүхэд дуудаж

Гар утасны зах зээлийг бараг дангаараа атгадаг гэж хэлж болохуйц том компани бол Nokia. Ойрын жилүүдийн эдийн засгийн хямрал бүх салбарт том жижиггүй нөлөөлсөн нь Nokia-г ч бас тойроогүй. Өнгөрсөн жилийн ашиг огцом буурсан үр дүн гарсан. Энэ нь Apple-ынхан iPhone гаргаснаас шууд хамааралтай байж болох юм гэж шинжээчид үзэж байгаа.
Харин Apple-ын хувьд iPhone-ынхаа ачаар хямралыг төвөггүй гэтлэж яваа нэгэн.
Үүнээс ч болсон уу юутай ч Nokia-ынхан тэсэлгүй Apple-ыг iPhone-доо Nokia-ын олон жилийн турш хүч хөдөлмөр, хөрөнгө хаяж бүтээсэн технологийг нь ашигласан гэж шүүхэд дуудсан байх юм.
Тухайлбал wireless data, speech coding, security, encryption гэх мэт 10 гаруй тооны технологиуд байгаа юм байна. Nokia-ын мэдэгдэж байгаагаар эдгээр технологиудыг тэд бүтээхийн тулд 20 жилийн турш 60 гаруй тэрбум доллар зарцуулсан гэнэ.