Ерөнхийлөгч Obama-ийн жиргэлт хамгийн их retweet хийгджээ

Өчигдрийн сонгуулийн урьдчилсан дүнгээр АНУ-ийн ерөнхийлөгчийн ажлаа дахин үргэлжлүүлэхээр болсон ерөнхийлөгч Barack Obama -ийн өөрийн twitter хуудсандаа хийсэн "Four More Years" гэсэн жиргээ (tweet) нь дахин жиргэлтээрээ (retweet) 680 мянга илүү гарч (одоо 760 мянга хүрсэн байна ) хамгийн их дахин жиргэгдсэн жиргээ болоод байна.

Мэдээж хэрэг Obama алдартай твиттер хүн. Түүнийг 22 сая илүү хүн дагасан байдаг. Харин дээрх жиргээтэй адил facebook-ээрээ хийсэн бичлэг нь 3.8 сая like авч 520 мянган удаа share хийгдсэн байна. Twitter, Facebook-ийн дээрх үзүүлэлтүүд нь цахим олон нийтийн сүлжээний шинэ амжилт болоод байгаа юм.

Төгөлдөр хуурч залуус - Диваажин

Интернэтээр тэр дундаа youtube-р олонд хүрч өөрсдийн бизнесээ эхлүүлсэн медиа чиглэлийнхэн зөндөөн бий. Үүний нэг нь The Piano Guys ажээ. Анх Paul -г төгөлдөр хуур худалдаж байхад нь Jon Schmidt хажуугаар нь өнгөрөхдөө төгөлдөр хуураа дарж чаддаг уу гэж асуусан нь эдгээр залуусыг холбож өгсөн байх юм. Ингээд тэд хамтдаа алдартай бүтээлүүдэд мэргэжлийн дээр нь сонирхолтой байх cover-уудыг тоглож youtube-ээр цацсан байна. Одоо тэд нэр хүндтэй, шүтэн бишрэгчидтэй болжээ.

Тэдний тоглосон Coldplay-ын Paradise дуу нь энгийн гэхдээ өвөрмөц болсон нь сонирхол татлаа. Африк өнгө аясыг оруулан дуугаа чимэглэж байгалийн өвөрмөц тогтоц бүхий газар зураг авалтаа хийсэн нь бүр гайхалтай.

Facebook хайлтын системээр өрсөлдөнө

Саяхан IPO гаргасан Facebook санхүүгийн хувьд эвгүй байдалд орсон ч хэрэглээний хувьд улам л тэлсээр байна. Өнгөрсөн11-ны өдөр The Crunch Disrupt танилцуулга дээр залуу тэрбумтан Mark Zuckerberg оролцсон байна. Тэрээр Facebook-ын хэдийн зорилго хөгжлийн талаар сэтгэгдлээ хуваалцсан юм. Харин энэ мэдээллийнхээ гол болгож facebook өөрийн хайлтын системээ улам сайжруулж google-тэй өрсөлдөхүйц хэмжээнд хүргэхээр зорьж байгаагаа илэрхийлсэн байна.

Тэрээр хэлэхдээ "Facebook-ын хайлтын талбарт өдөрт 1 тэрбум илүү хайлт хийгддэг. Хэдий өндөр дүн сонсогдож байгаа боловч бид үүнийг хөгжүүлж ямар нэгэн зүйл хийгээгүй. Харин одоо бид энэ дээр ажиллаж байгаа." гэсэн байна. Мөн тэрээр өөрсдийн сурталчилгааны зах зээлээ гар утасан дээр түлхүү явуулахаар төлөвлөж буйгаа мэдэгдсэн юм.

Facebook-ын үндсэн хайлтын систем одоогоор Microsoft-ын bing-г ашиглаж байгаа юм. Хэрэв тэд өөрсдийн хайлтын системийг амжилттай бий болгож чадах юм бол Bing-ын хувьд хэцүүхэн ирээдүй хүлээж байна гэж ойлгож болох нь ээ.

Samsung 30 машин зоос Apple-д өгөхүү?

Үргэлжийн гэж хэлж болохуйц зохиогчийн эрхийн маргаантай болсон Samsung, Apple хоёрын тэмцэл мөн л үргэлжилсээр байна. Саяхан Apple-ын гаргасан заргад Samsung ялагдаж Apple компанид 1 тэрбум ам.долларын нөхөн олговор өгүүлэхээр болсон шийдвэр шүүхээс гарсан.

Энэ шийдвэрийг Samsung давж заалдана гэсэн мэдээлэл гараад байгаа ч гэсэн интернетээр Samsung өөрийн уур бухимдалаа тайлахын тулд Apple-д 1 тэрбум ам.доллартай тэнцэх 30 машин 5 центийн зоосыг өгөхөөр болсон гэсэн мэдээлэл гараад байна.

Энэ мэдээлэл хэдийгээр хөгжилтэй боловч үнэхээр ингэж төлж чадвал Samsung-аас Apple-д барьж байгаа сайхан бэлэг байж болох юм. Тэдний хувьд 1 тэрбум ам.доллар нээх ч их мөнгө биш шүү дээ.

Samsung Galaxy S3 ухаалаг утас Update гаргав

Samsung шинээр гаргасан Galaxy S3 ухаалаг утасныхаа хайлтын функц дэх алдаагаа зассан байна. Энэ шинэчлэлт (update) нь вэбийн хайлт хэсэг, холбоо барих жагсаалт болон бусад аппликешинууд дээр өөрчлөлт оруулсан байна.

Энэ шинэчлэлтээ хэдэн өдрийн дараанаас гаргахаар болоод байгаа аж. Шинэхэн гаргасан бүтээгдэхүүнд тун удахгүй update орж байгаа нь борлуулалтын хувьд нөлөө үзүүлж болзошгүй юм. Гэвч Samsung корпорацийн ашиг орлого шинэ ухаалаг утас борлууласнаар өнгөрсөн улирлаас даруй 79%-ын өсөлттэй гарсан байна. Тэгэхлээр тэд ашиг орлогыг нь бүрдүүлж буй бүтээгдэхүүндээ анхаарлаа түлхүү хандуулах нь дамжиггүй бизээ.

Samsung энэ жил Galaxy цувралыг гаргаснаас гар утасны тэргүүлэгч үйлдвэрлэгч Nokia-ийн дээр гарч чадсан юм.

Дээрх шинэчлэлт GT-i9300 (S3) утсанд хийгдсэн байгаа бөгөөд үүнээс өөр загварын утастай хэрэглэгчид өөрсдөө шинэчлэлээ татаж авах юм байна.

Skype -д томоохон алдаа илрэв

Skype -ын програм тал дээр томоохон алдаа (bug) саяхан илэрчээ. Уг алдаа нь skype ашиглан хувийн мессеж  бичиж буй хоёр этгээдийн дотоод мессежийг нь өөр хэн нэгэн хүлээн авагчруу давхар явуулж байсан байна. Энэ нь саяхан skype хэрэглэгчдийн форум дээр хүчтэй яригдаж эхлэсэн байна. Нууцлал аюулгүй байдлын үүднээс энэ алдаа нь байж болошгүй зүйл бөгөөд хэрэглэгчдээ нэлээд алдаж болзошгүй эрсдэлтэй юм.

Алдааны талаар skype-ын удирдлагууд яаралтай арга хэмжээ авахаа мэдэгдсэн бөгөөд ямартай ч энэ сардаа багтаад update гаргана гэж мэдэгджээ.

Сонирхуулахад 2011 оны 5-р сард skype тэр чигтээ унтарсан бөгөөд хоёр өдрийн дараагаар үйл ажиллагаагаа сэргээсэн байдаг. Энэ унтралт нь тэдний муухан хийсэн update-аас болсон гэсэн дүгнэлтэнд хүрч байсан юм. Ямартай ч 2011 оны 9-р сарын байдлаар skype хэрэглэгчдийн тоо 600 сая илүү гарсан тоон баримт байна.