Pisa-гийн italic хэлбэр

1170 -аад оны эхээр Италын Пиза хотод оршуулгын битүү сүмийн дэргэд Хонхны байрыг босгох ажил эхэлжээ. Барилгын ажлыг удирдан хариуцаж байсан даамал нийтдээ 11 метр өндөр нэгдүгээр давхар, баганат хоёр цагирагийг барьсны дараа хонхны байр нь босоо тэнхлэгээс 4 см-ээр зөрснийг мэдээд бүх ажлаа зогсоон буруу барьсан шийтгэлээс айн хотоос зугтсан гэж үздэг байна. Мөн зөөлөн хөрсийг урьдчилан тооцоолж барилгаа бариагүй барилгачдад хотын удирдлага бурууг оноож хөөн явуулсан гэж түүхчид бичсэн байдаг байна.

Ингэж барилга эхнээсээ л налж эхэлсэн тул түүнийг үргэлжлүүлэх зоригтой инженер олдоогүй удсан байна. Хэд хэдэн удаагийн оролдлого хийж ганц хоёр давхар нэмж барисан ч бүрэн дуусгаж чадахгүй байв. Харин 1275 онд Симони барилгыг үргэлжлүүлэхээр зорисон бөгөөд барилга 4 давхар өндөр нийт 50 см-ын налалттай байсан байна. Үүнийг Симони маш овжин ашиглаж барилгын налууг өвөрмөц шийдэл болгон хувиргаж тэр чигт нь налуу барихаар зориг шулуудан маш нарын тооцоолол хийсний дараагаар 5 давхараар нэмж чадсан байна.
Хэдий тооцоолол, налалтаас хамгаалах аргачлал ашиглаж байгаа боловч уг барилга жилд 1mm-ээр дэлхийн татах хүчиний нөлөөтэйгээр налалт үүсгэж байдаг байна. Ингээд өнөөдрийн байдлаар алдарт "Ганхмал" Пиза цамхаг босоо тэнхлэгээс 5метр илүү налалттай болсон байдаг байна.


Харин бичгийн НАЛАЛТ үүнээс бага цаг хугацааны түүхтэй гэхээр сонин. Бичгийн хувьд бид налуу хэлбэрийг Italic гэж тодорхойлож байна. Чухамдаа Italic нь гар бичмэл үүссэн цагаас нэлээд хойно үүссэн бичлэгийн техник ажээ. Анх европт гар бичмэлийг үсэг бүрийг босоо хэлбэрээр салгаж бичдэг байсан бөгөөд энэ нь бичихэд хэт хүндрэлтэй дээр нь удаан байдаг байсан байна.
Бичлэгийн энэ төвөгтэй байдлаас гарахын тулд италын эрдэмтэн Niccolò de' Niccoli өөрийн бичлэгийн хэвийг гаргасан бөгөөд үг бүтээхийн тулд үсэг бүрийг салгаж бичих биш аль болох үргэлжлүүлэн бичих боломжтойгоор бичиж эхэлсэн байна. Энэ нь italic буюу бичлэгийн налуу хэлбэрийг бий болгох үндэс болжээ.
Ингээд 1550 оноос уг бичлэгийн хэлбэрийг хэвлэлтийн эхэнд оруулахдаа үсэг бүрийг салгаж оруулсан байна. энэ мэт

Тэгэхлээр бидний бичиж байгаа налуу бичлэг Pisa-гаас бага түүхтэй байх нь байна.

Дээрх хоёр түүхийг хооронд нь холбовол дараах дүрслэл гарч ирж болох нь байна

Холбоотой мэдээлэл