Цаана чинь Windows 7

2007 онд Bill Gates ах сүр дуулиантай нь аргагүй Windows Vista-гаа зах зээлд нэвтэрүүлсэнээ зарлаж байлаа. Тухайн үед Windows Vista шинэ содон, өнгө үзэмж сайтай сайхан эд харагдаж байсанг дурдахгүй өнгөрч болохгүй. Гэвч "гаднаа гяланцаг дотроо паланцаг"-ын жишээгээр Windows Vista тийм ч сайхан эд байгаагүй ээ. Windows Visa-гаа гаргасан даруйдаа Microsoft-ынхон дэлхийн зах зээл дээрээс Windows XP-гээ халж Vista-гаа шахах бодлого барьж ажилласан ч эцсийн эцэст хэрэглэгч "Хаан" болж тэд Vista-г биш XP-г сонгосон юм.
Vista-гийн гол дутагдал өнгө сайтай ч хэтэрхий их resource шаарддаг, дээр нь байн байн та ингэх үү тэгэх үү ингэх гэж байна уу яг үнэн үү гэх мэтчилэн байнгын асуултаар хэрэглэгчийг бөмбөгдсөн нь "гай" болсон гэж хэлж болно.
Ингээд л хэдэн зуун тэрбум долларын төсөл бараг талаар өнгөрвөө хорвоо.

Гэвч тэд алдаан дээрээ суралцдаг сайн жаалууд юм. Microsoft-ынхон XP-шиг хурдан, Vista шиг өнгөлөг тийм л бүтээгдэхүүнийг бий болгохоор шаргуу ажилласан нь Windows 7 байлаа.
Windows 7-г маш богино хугацаанд туршилтын хувилбарыг гаргаж олонд хүргэсэн нь Vista хэрэглэж зүдэрсэн, XP нүдэж залхсан хүмүүсийн хувьд сайхан "эд" байв. Ингээд л ажилласаар Windows 7-г хэрэглэгчдийн сэтгэлд бага ч гэсэн ойртуулж чадсан байна. Windows 7-ын нэр хүнд боломжийн хэмжээнд хүрлээ.

Цаана чинь Windows 7 мэндлэх гэж байна.
Хэдхэн хоногийн дараа буюу 10 сарын 22нд Windows 7 -ын албан ёсны борлуулалт эхлэх гэж байна.

Холбоотой мэдээлэл