Tv chat and online chat

Чухамхүү яг tv chat болон online chat(internet chat)-ын талаар өгүүлэх гэсэнгүй. Монголд олон ургалч үзлийн томоохон илрэл болж борооны дараах мөөг мэт олон олон хувь хувьсгалын телевизүүд бий болсоор байгааг хүн бүр мэдэж байгаа. Гэвч зөв чиг гольдролдоо байгаа эсэхэд эргэлзээтэй. Ихэнх телевизууд хүнд харагдахгүй шахам жижигхэн дөрвөлжин хэсэгт клип гаргачихаад tv чатыг хажуугаар нь урсгаж өгнө дөө. Энэ чинь өнөөдөр бидний том асуудал болчоод байгаа юм бишүү найзуудаа.


Харин online chat-ын хувьд учир зүггүй муу тал гарсан нь харагдахгүй байгаа ч гэр бүртээ internet-тэй болж байгаа өнөө үед бага насны болон өсвөр насны хүүхдүүд юу үзэж хараад байгааг эцэг эхчүүд нь тодорхой хэмжээгээр хяналт хийж байхгүй бол гэмгүй бизээ.
Ямартай ч гэмгүй биш гэмтэй болчоод байгааг доорх жишээ харуулах байх.

Баянзүрх дүүргийн шүүх Б.Урангоо гэдэг эмэгтэйд холбогдох хэргийг өнгөрсөн мягмар гаригт хэлэлцлээ. Тэрбээр интернэтийн болон телевизийн чатаар хүмүүстэй танилцаж улмаар гар утсыг нь залилан авч зугтдаг байсан гэнэ. Мөрдөн байцаалтын шатанд тэрбээр 11 иргэний гар утсыг залилсанаа хүлээжээ. Шүүгдэгч интернэт болон телевизийн чатаар залуустай танилцаж баар, цэнгээний газар уулзан "Би утасаа орхичихож. Утсаар чинь хүнтэй ярьчихаад ирье" хэмээн авч гараад тэр чигтээ зугтдаг байжээ. Шүүхийн хэлэлцүүлгийн явцад Б.Урангоо нь 11 иргэнд хоёр сая гаруй төгрөгийн хохирол учруулсан бөгөөд түүнийгээ барагдуулаагүй нь тогтоогдсон байна. Анхан шатны шүүхээс Б.Урангоод жирийн дэглэмтэй хорих ангид хоёр жил ял эдлүүлэх, иргэдэд учирсан хоёр сая гаруй төгрөгийн хохирлыг барагдуулах шийдвэр гаргажээ. Г.Равжаа

Холбоотой мэдээлэл