Remove Virus from USB drives

USB drive буюу flash disc-дээ вирусгүй нь тоотой л байдаг даа. Тэгвэл тухайн USB drive-даа virus-тай эсэх, хэрэв virus байвал anti virus-ын програмгүйгээр хэрхэн цэвэрлэх талаар бяцхан зөвлөмжийг хүргэе.

Хамгийн анхан шатны аюулгүй байдлаа хангасан үйлдэл бол компьютерт ямар нэг USB drive холбох үед шууд ажиллуулах буюу Autoplay цонхыг нээхгүй байх явдал юм. Ихэнх хүмүүс хялбарыг бодож энэ цонхоор дамжин flash disc-руугаа (USB drive гэж flash disk, iPod зэрэг USB холболт бүхий санах төхөөрөмжийг хэлнэ. Жишээ болгон flash disc-г авлаа) ордог. Хэрэв тухайн flash disc-нд ямар нэгэн вирус байсан бол таныг яг энэ үйлдлийг хийхийг хүлээгээд сууж байдаг. Ингээд ok товчийг дарсан тэр цагаас эхлэн вирус маань ажиллаж эхэлдэг. Иймээс уг цонхны "Cancel" товчийг дарж бай гэж зөвлөе.
Дараагийн үйлдэл. start->run дээр cmd гэж бичээд. Гарч ирэх DOS цонхны бичвэрийн хэсэг дээр тухайн driver letter : -гэж (C:, D:, E: гэх мэт) бичиж disk-руугаа орно. Ингээд dir/w/a гэж бичээд enter гээд харахад таны flash disk доторх файлуудын жагсаалт гарна.
Үүн дотор

• Autorun.inf
• Ravmon.exe
• New Folder.exe
• svchost.exe
• Heap41a
• Бусад exe өргөтгөлтэй үл таних файлууд

эдгээрийн аль нэг байвал вирус байна гэсэн үг. Ингээд flash disc дээр нуугдсан болон харагдахгүй байгаа "Но"-той файлуудыг attrib -r -a -s -h *.* гэж бичээд enter дарж цэвэрлэнэ. Харин дээр жагсаалтанд байгаа файлуудаа del файлын нэр-ийг бичиж устгана. Ингээд цэвэрлэгээ дуусч байгаа юм.
Хамгийн чухал санаж байх юм autoplay-г найдвартай л биш бол ажиллуулахгй байх ёстой

Нэмэлт: Сүүлийн үеийн flash disc-ууд өөртөө програм хангамжтай байдаг учраас дотор Autorun.inf гэсэн файл байдаг. Энэ нь тухайн програмыг эхлүүлэх үүрэгтэй юм. Тийм учраас цэвэр гэж үзэж байгаа бол энэ файлыг устгах шаардлагагүй юм.

Холбоотой мэдээлэл