Төрийн өршөөл

Их Монгол 800-аар баахан хоригдолуудыг сулалж олон хүнийг баярлуулж, олон хүнийг айдаст автуулсан билээ. Би ч хувьдаа зарим нэг дөнгөж орсон бас засаршгүй хүмүүсийг сулалсанд нь дургүй байсан. Жижигхэн газар төрж өссөний хувьд хэрэгтэй хэрэггүй бүх хүнийг л таних болдог. Тиймдээ ч энэ "Төрийн өршөөл"-ийн дараагаас шорон оронгоос гарч ирсэн нэлээд хүмүүстэй тааралдах болсон. Би ч нээх юм боддоггүй. Тэдгээрийг юм ойлгож ухаажсан байх гэж боддог байлаа. Гэтэл тийм биш юм байж.
Өчигдөр шөнө 1 болж байхад хаалга балбан байж нэг согтуу нөхөр орж ирлээ. Дүү үүд тайлаад чимээгүй байлаа. Тэгсэн цаадах нөхөр нь таниад хоноё гээд, уурлаад байна уу гэж асууж байна. Би ч тэсэлгүй уур дүрс гээд явчихлаа. Унтаж байсан хүн босож ирээд чи албатайдаа ирээ юу энэ тэр гэсэн чинь чимээгүй байж байж байснаа босож ирээд
"Чамайг мэдэх юм байна. Би угаасаа юм үзсэн хүн. Чамайг алчихаад ахиад явсан ч яадаг юм" гээд шөнөжингөө юм боллоо.
Би амьдралдаа 2 хон удаа хүн зодож байсан. Нэг нь 10 жилд байхад надаас биеээр том банди байсан юм. Тэр хүүхдээр бүгд л тоглоом хийгээд хөхрөлдөж байхад би чимээгүй сууж байхад гэнэт босч ирснээ надтай зодолдох болсон юмдаг. Бодоод байсан чинь ганц зодчихоор нь би байсан юм шиг байгаа юм. Даанч амжихгүй л дээ. Би даруухан ч хэрийн хүнд зодуулаад байхгй байхаа. Хоёр дахь нь оюутан байхад Оюутны байранд хамт амьдардаг хүүхэд. Манай тасгаас би бас нэг банди бид хоёр л цэвэрлэгээ хийж жаахан өөдтэй байх гэж боддог байлаа. Тэгээд нэг өдөр шалаа угаагаад байж байсан чинь нөгөө юу ч хийдэггүй гар гутлаа ч арчилгүй шууд шалан дээгүүр хар мөр гаргаад явдаг байна. Би ч чимээгүй тэрийг нь арччихаад зогсож байгаа газрынх нь харыг арчих гээд хойшоо бол гэсэн чинь "Май" гээд салаавч өгдөг байна шд. Шууд л цохиод авсан төд удалгүй хөөрхий тэрний хамар амнаас цус гараад бөөн юм. Би хувцасаа цус болгочих байх гэж бодоод одоо болиё гэж бодоод хэлсэн чинь нөгөөдөх чинь тэгэе гэж байна. Гэнэн хог чинь итгээд эргэсэн чинь араас ороод ирж байх болтой юм. Тэгээд цаашаа бичээд ч яах вэ дээ.
За өчигдөр шөнийн байдлаар 3 дахь хүнээ зодох шахав.
Сайхан зодолдвол зодолдож ч чадахгүй. /Би дотороо эхэлж цохихгүй гэж шийдчихсэн байсан. Сүүлд янз бүрийн юм болвол буруудна биздээ./ Тэр юм л бол хутга шөвөг, шил шаазан бариад нэг л бишээ. Шөнөжингөө доромжлууллаа. Их ч тэвчиж дуугүй байлаа.
Урьд нь хүн хутгалж алчихаад хэргийнхээ шийдтэлийг эдэл ч амжилгүй. Төрийн өршөөлөөр суллагдчихсан юм. Тэрийг нь бодоод айх ч шиг. Гарч явахдаа "Чамайг заавал алнаа. Чиний сайхан явахыг харна" гээд хаалга саваад гараад явлаа. Одоо хэзээ алуулах юм бол гэж бодоод байж байна. Энэ мэтийн өчүүхэн дотортой. Аавын хаалгад ороод ухаараагүй гаруудыг яах гэж сулладаг байна аа. Мөрөөрөө яваа мань мэт нь л сүүлд нь хохьрно шд. Ядаж байхад дүү хажууд байсан. Манай дүү намайг бодвол зодоон цохион байнга хийчихдэг. Тэрүүхэндээ атаман хүн. Дараа уулзнаа гээд гаргачихсан. Гай болох вэ дээ гэж бодоод одоо тайвширч өгөхгүй үнэн тамтай байна аа.
Муу сайн новшууд мөрөөрөө ч гэлдэрч чадахгүй хүнд гай болох юм. Мэдээж бас нэг өдөр согтуу ирээд энэ мэт байх биз.
Хэрэг хийчихээд амьдралдаа ахиж алдаж болохгүй гэж ухаараагүй байгаа нь үнэхээр өрөвдөлтэй. Яриж байгаа хоёр үгний гурав нь бараг тэр талаараа яриад бараг л бахархаад байгаа юм уу гэлтэй. Ингээд бодохоор төр төмөр нүүртэй гэж яридгаар жаахан чанга баймаар. Засрашгүй, бас юу хийчихвээ гэдгээ ч ухаарч амжаагүй хүний алтан аминд хүрчихээд тэрийгээ юмын чинээнд ч тоохгүй байгаа "мал"-нуудыг яах гэж сулалдаг байна аа. Харамсалтай.

Хэзээ алуулах юм болдоо. Ядаж байхад өглөө ирсэн чинь YM-аар нэг сонин юм ирсэн байна.
доор биччихэе.

Миний дүү охин лифтэн дотроо хүчиндүүлж, миний таньдаг эгч ломбардан дотроо хоолойгоо хэрчүүлж, миний найз охин хуурамч дүнгийн төлөө багштайгаа унтаж, гудманд таарсан залуучууд намайг 1000 төгрөгний төлөө зодох, шударга үнэн зүйлийн төлөө тэмцэгч, хуулиа чанд мөрдөгч нь хохирдог би ийм нийгэмд амьдармааргүй байна.

Яг үнэн санагдаж байна.

Холбоотой мэдээлэл