Цагаа үрэх 10 гайхалтай сайт - 2

Нэг эхэлснийх нэг мөсөн дуусгачихъя. Ингээд цагаа үрэх дараагийн шилдэг 10 сайтыг жагсааж байна. Өмнөх жагсаалт жаахан "мангар" сайтуудаар дүүрэн байсан бол энэ удаад арай л үр дүнтэй байх сайтууд байгаа.
Интернетийн түм буман сайтуудаас аль нь хэрэгтэй аль нь хэрэггүй хэн шүүж мэдлээ. Эдгээр сайтуудаас таны авъяас тодрон гарах ч юм билүү.



Keyboard Whale Song (Халимын дууг keyboard-оосоо)

Та сонгодог хөгжмийн цөөхүүлтэй гүн цэнхэр далайн тунд зогсож байна. Хязгааргүй үргэлжлэх гүн цэнхэр тэнгис. Та юу хийх гэж энд зогсож байгаагаа ухаарч байна уу. Та оркесторыг удирдах ёстой. Ингэснээр улам ховордсоор байгаа манай гарагийн хамгийн том хөхтөн амьтан болох цэнхэр халимтай холбоо тогтоож түүнийг ямар ямар авиа гарган хоорондоо холбогддогийг мэдэж болно. Мань мэтийн мөддөө далай үзэж цэнхэр халимын дуу хоолой сонсож чадахгүй хүн үзээд алддаг л газар.


Soap Box Racer (Савангийн хайрцагны уралдаан)

"OK" барааны савангийн сурталчилгаа байдаг байхаа баахан савангууд уралдаад л тэгээд манай "OK" саван хайлалгүй урсалгүй үлддэг. Их л муу саван байсан байгаа юм хөөсрөхгүй хайлахгүй. :P Үндсэн асуудалдаа ороё. Энэ сайтад та өөрийнхөө зохиомжоор өөрийнхөө машиныг савангийн хайрцагуудаар урлаад уралдаанд оролцоно. Хэр дажгүй юм загварчилж чадахнуу үзэж байсан уу. Таны инженерийн ухаан гэнэт цоорч гарах вий дээ.

Water, Water Everywhere (Ус, ус хаа сайгүй ус)

Хүний 75% хувь шингэн, харин дэлхийн маань 3/2 нь ус байдгийг бид мэднэ. Гэхдээ өнөөдөр ус, цэвэр усны асуудал юу юугүй тулгарчихаад байна бидний өмнө. Тэр дундаа монголчууд шиг усаа хайрлахаа байсан улс алга цаана чинь. Бодох л асуудал!
Тэгвэл энэ сайтаас дэлхийн хэмжээнд хаана хаана цэвэр усны нөөц байгааг та олж чадна.


We Choose The Moon (Бид сарыг сонгож байна)

Саран дээр АНУ-хан анх хөл тавьсан эсвэл hollywood-ынхан хөл тавиулсан гэдэг. Юутай ч тэрнээс болж хойд хөршийн маань сансрыг эзэгнэх хүсэл мохож тэр дороо хамаг төслөө хаасан гэдэг. Тухайн үед орос улс бүх дэлхийн улсаас сансар судлалын ШУ-аар 20 жилээр тасарчихсан байсан гэдэг. Ингээд л АНУ аугаа гүрнийг өмнөө нэг сөхрүүлчихсэн байгаа юм. Өнөөдөр АНУ, Орос хоёрын сансар судлал, түүнтэй холбоотой технологи бараг ижил түвшинд явж байгаа байх.
За тэгвэл та нэг удаа ч гэсэн сарлуу ядаад сансарт гараад үзэх аз таарвал шүүрээл авна биз. Тэр боломжыг энд олгож байна. Apollo 11- тэй цуг хүүхэд насныхаа мөрөөдлийг нэг биелүүлээд авъя.


Join the Swedish Army (Шведийн армитай нэгдээд гэж)

Манай зэвсэгт хүчнийхэн овоо ийш тийшээ яваад бас энд тэндээс хүн амьтан цуглуулаад сургалт дэлбэлэлт хийгээд байх юм аа. Хэтэрхий их энхийг сахиулж байж Садамын төрлийхнийг уурлуулах вий дээ. Тэгвэл эх орондоо энхийг сахиулах гэж зүдрэнэ шд. Юун баяжих.
За юутай ч Шведийн арми ямар байдгийг үзэе гэвэл урагшаа.


The Eternal Moonwalk (Хэзээ ч дуусашгүй сарны алхаа)

Попын хаан алдарт дуучин Макель ахын сарны алхааг мэдэхгүй бол алдас болно биз. Тэгвэл үүнийг төгсгөлгүй хийцгээе. Та хийж чадахгүй бол дуурайгаад хий, сур. Цаг үетэйгээ сарны алхаагаар нийл. Энд тэнд очиж онигоо болж байснаас мониторынхоо өмнө онигоо болонгоо сураад ав гэж. Гэхдээ би ч хийнэ гэж юу байх вэ:P

Take a Virtual Tour of New York (New York-ын аялал)

Манай gogo, news-ынхэн Улаанбаатарынхаа дээрээс нэг хэдэн зураг дараад ийм юм хийгээсэй. Olloo-гийнхэн ч хийнэ гэж юу байхав. Тэднийг л царайчлая. Зардал ихтэйг нь мэдэж байна л даа. Гэхдээ яадгийн шордчихъё.

M Night Shyamalan

Нэг ийм кино байдаг юм байна. M Night Shyamalan албан ёсны вэб сайт. Юмыг өөрөөр сэтгэнэ гэдэг өөр байдаг шүү дээ. Хүйтэн, харанхуй өрөөгөөр. Та нэг хаалгаар нэвтрэхийн тулд тодорхой нөхцөлийг биелүүлж түлхүүрийг олно. Цаана нь бас өрөө хүлээж байна.

Simple Machines (Анхан шатны машинууд)

Хүүхдэд зориулсан загвар бүхий дажгүй сайтын тоонд ч багтаж мэдэхээр сайт. Чухамдаа нэгэн Шинжлэх ухаан болон танин мэдэхүйн музейн сайт юм байна. Ороод үзэхэд л лав уйдахааргүй. Таньд тавьж өгсөн төхөөрөмж, багажуудын тусламжтай цоо шинэ машин урлаж үзээрэй. Би ч электроникдоо С гарч байсан хүн багштайгаа таараагүйн улмаас.

Energy Lab

Эцэст нь жаахан хүнд сэдэв. Энергиэ хэмнэе. Үүнд та яаж оролцохуу.

За баахан дэмий сайт санал болголоо. Дараагийн ийм бичлэг мөддөө хийгдэхгүй байх гэж найдаж байна. Цаг заваа дэмий үрэлгүй ажил, амьдралаа бодоцгоогоорой :)

Холбоотой мэдээлэл