Microsoft Монголд

Монгол Улсын Засгийн газар, “Майкрософт” корпорацитай хамтран ажиллах гэрээ байгуулсанг интернет хэрэглэж буй хүн бүр дуулсан байх учиртай. Уг гэрээний дагуу Майкрософт” корпораци Монгол Улсын Засгийн газартай үндсэндээ таван чиглэлээр хамтран ажиллах юм байна.

• Цахим засаглалыг хэрэгжүүлэхэд хамтран ажиллана.
• Гол бүтээгдэхүүнийг нутагшуулах буюу компьютерийн программыг монгол хэлээр гаргана.
  
• Боловсролын салбарт мэдээллийн технологийг нэвтрүүлэх.
• Манайхаас гаргасан сэдвийн хүрээнд “Майкрософт”-аас сургалт авах боломжтой.
• Мэдээллийн аюулгүй байдлын чиглэлээр хамтран ажиллана.

Эдгээр чиглэлүүдэд Microsoft мэдээж өөрсдийн бүтээгдэхүүнээ нийлүүлэх болно. Иймд Монгол орны минь эдийн засагт уялдуулан бүтээгдэхүүн, үйлчигээнийхээ үнийг тодорхой хэмжээгээр бууруулах боломжийг судалж байгаа ажээ. Манайхаас тавьж буй зарим нэг санал дээр Microsoft –ынхон татгалзсан сурагтай.
Аливаа зүйлд сайн муу гэсэн хоёр тал хүссэн ч хүсээгүй ч орших нь үнэн. Тэгвэл энгийн нэг хэрэглэгч миний хувьд “муу” гэсэн талыг илүүтэй харж байна. Аливаа улс орны хөгжлийн түлхүүр бол оюуны хөдөлмөр, цахим ертөнц гэж тунхагладаг. Хэдий тийм боловч явж явж өөрсдийнхөө идэх хоол, өмсөх хувцсаа үйлдвэрлэж чаддаг болсон улс орон (орцыг нь оруулж ирж савлах биш шүү) үүнийг тунхаглах ёстой мэт. Тиймээс одоохондоо энэ том корпорацийн хараанд өртчихөлгүй бүтээгдэхүүнийг нь хууль бусаар ч болтугай хэрэглээд явсан бол өлзийтэй байсан байх.
Бизнес томорлоо гээд бага орлогыг тоохгүй өнгөрнө гэдэг бол алдаа байх нь зүйн хэрэг. Тиймээс Microsoft –ынхон Монголоос юу олж авах вэ гэдэгтээ биш бид Microsoft-оос юуг олж юуг алдах вэ гэдэгтээ нэн тэргүүний анхаарал хандах ёстой байх.
Ямартай ч Монголын ТОМЧУУД-ын үзэж буйгаар: - Microsoft компанид төлж байгаа нэг ам.долларын лицензийн төлбөр эргээд тухайн улсынхаа үндэсний нийт бүтээгдэхүүний хэмжээг найман ам.долараар нэмэгдүүлдэг… - оюуны өмчийн үнэлэмжийг хүлээн зөвшөөрөх талаасаа чухал ач холбогдолтой… гэсэн “Чухал үг” хэлсэн байна. Мэдээж оюуны өмчийн үнэлэмж дээшлэх нь ойлгомжтой ч хамтарч ажиллах хүрээ ерөнхий нөхцлөөс төрийн байгууллагуудад ямарч хууль бус програм байхгүй байх ёстой болж байна. Үүнийг дагаад томоохон хувийн компаниудад ч ийм шаардлага бий болно. Улмаар жижиг компаниудад шахалт болж ирнэ. Энийг жишээ дурдахад 1 ширхэг Windows ~ 300$, 1 ширхэг Office ~ $200 гэж бага үнээр тооцоход ямар их мөнгө зарцуулагдах нь ойлгомжтой.
Тэгвэл Монголын Засгийн Газар тэр дундаа МХХТГазар үүний оронд төрийн албандаа оpensource албан ёсоор хэрэглэж байя гэсэн шийдвэр гаргасан бол энэ их мөнгө дотооддоо шингэх боломж байгаа шүү дээ. Үүнийгээ дагаад ч оюуны өмчийн асуудал өөрөө аяндаа төлөвших боломж бий болох юм. Бид нефтээрээ Оросоос хараат, хүнс бараа бүтээгдэхүүнээрээ Хятадаас хараат байдаг. Сүүлд нь програм хангамж – мэдээлэл технологийн шийдэлээрээ Microsoft-оос хараат болох гэж үү!?
Эцсийн эцэст үүнээс хэн хожих вэ?

Холбоотой мэдээлэл