Web site graph

Програмын кодыг гоё сайхан бичнэ гэдэг урлаг гэж хэлэх нь ч хаашаа юм бэ?. Хэрэв кодыг яруу найраг гэх юм бол энэ харуулж буй graph нь түүний уран зураг болно гэсэн үг. Гэхдээ доор тохиолдсон шиг зүйл болохгүй бол шүү дээ.
Оюутан: - Бид нар аймар азтай улс юм аа!
- Яаж байна?!.
- Би функцээ temuujin гэж нэрлэж чадаж байна.
Нөгөөх нь гайхаж түүний кодыг харахад esuukhei();, temuujin(); бараг л manduukhai(); гэж харагдсан гэдэг. Энэ гэхдээ код бичих урлаг лав биш ээ:P

Тэгвэл та өөрийнхөө web site, blog-ын graph-ыг хэрхэн төсөөлж байна. Энэхүү сайт нь та өөрийн web site, blog-ын нэрийг оруулж өгч хариуд нь тань тухайн web site-ын бүтцээс хамааран нэлээд гоёмсог гэж хэлэхүйцээр шаталсан хэлбэрээр зурагдсан графикийг таньд харуулна.

Sanakae blog-ын график нэг иймэрхүү байна. Таных ямар байх бол үзээрэй.
Ер нь миний бодлоор үүнийг ашиглан web-ынхээ бүтцэд дүгнэлт хийж болохоор байна. Web хэдий зөв бүтэцтэй байх тусам хайлтын системд илүү өргөн хамрагдах боломжтой байдаг шүү дээ.
Дүрсийн тайлбар.

Цэнхэр: Холбоос (A таг)
Улаан: Хүснэгт (TABLE, TR , TD тагууд)
Ногоон: DIV таг
Хөх ягаан: Зураг (IMG таг)
Шар: Form (FORM, INPUT, TEXTAREA, SELECT, OPTION тагууд)
Улбар шар: Мөр шилжилт, бүлэг(BR, P, BLOCKQUOTE тагууд)
Хар: HTML таг, үндсэн зангилаанууд
Саарал: Бусад тагууд

Холбоос: Бусад нөхдүүдийн graph

Холбоотой мэдээлэл